الرئيسية - منوعات - إبتسامة - زمن الجواز الجميل
زمن الجواز الجميل
زمن الجواز الجميل

زمن الجواز الجميل

في 2012 البنت بقت غير سنة 1945 مثلا فقعدت مع نفسي اتأمل ايه اللي جد او لو كنت عايش في الزمن ده كنت هتجوز ازاي و الجواز شكله أيه و المعاملة هتبقي عاملة ازاي ؟

[divide style=”2″]

جنينة الاسماك مكان الاحباب

جنينة الأسماك

جنينة الأسماك

 طبعا زمان كنا بنشوف في الافلام اي اتنين بيحبوا بعض بيدوا معاد لبعض الساعة 5 في جنينة الاسماك اشمعني 5 مش عارف لكن اشمعني جنينة الاسماك , اكيد عشان المخرج عاوز كدة, المهم نرجع للتخيل اديت ميعاد لحبيبتي صافيناز ميعاد في جنينة الاسماك الساعة 5 و نص قلت اغير من الواقع شوية , دي كانت اول مرة نقابل بعض فيها مزوغة من البيت و قايلة لمامتها انا رايحة عيد ميلاد صاحبتي , قعدنا سوي و هي بتبص في الارض و وشها محمر من كتر الكسوف و الخجل اللي ماليها و مش قادرة تحط عينها في عيني و اول حاجة قالتها انت لازم تيجي تقابل بابا قلتلها يا صافي انتي مش شايفة ان ده تسرع ؟ , طبعا بكل روشنة العصر الجميل قالتلي احنا في عصر السرعة خلينا نخلص قولتلها طيب امتي قالتلي روح لبابا الشغل بكرة الساعة 12 و اتفق معاه. [clear]
[divide style=”2″]

الجواز : سرعة في الأداء

طبعا واحد زي موظف حكومي و باخد في الشهر 5 جنيه و عندي 200 جنيه تحويشة العمر كدة انا لقطة و اتقبلت بس بعد طبعا ما تقل عليا و سأل عليا و علي اخلاقي لأن بنات الناس مش لعبة و لازم نطمن عليها و احنا اصلا مش مستعجلين خالص طبعا اتجوزت و صرفت من ال 200 جنيه تحويشت العمر لتجهيز الشقة و تكاليف الفرح اللي اتبقي شلته في البنك نأمن بيه مستقبل العيال.

[divide style=”2″]

الفرق بين الأزمنة في جمل قصيرة

بعد ما فقت من رحلة التخيل الطويلة اللي انا سرحت فيها لقت ان في فرق كبير بين زمان و دلوقتي ان زمان كان البنت اخلاقها متسمحش ان حد متعرفوش تخرج معاه علي طول و دبسيته في الجواز لكن دلوقتي بعد عشرة تدوم طويلا نبقي نفكر في الجواز , دلوقتي عشان تتجوز محتاج قرض من البنك المركزي و هتعيش بقيت حياتك مديون فوق الديون , الأهل كانوا مش بيستعجلوا في الجواز خالص لكن دلوقتي اول ما البنت توصل ل 22 سنة بيبقوا عاوزين يسربوها و يمشوها لحسن تعنس.

يا ريتني كنت في زمن الجواز الجميل ده ….

عن مهاب طارق