mo22 مجلة للرجال على الانترنت موجهة إلى الرجل العربي
انا قولت زوجة واحدة لا تكفي[clear]
بعد ما اتفرجت علي مسلسل الزوجة الرابعة بتاع مصطفي شعبان لقيت ان الحياة حلوة اوي كدة سي السيد و عايش حياته و ملك كدة من ساعتها و انا قولت زوجة واحدة لا تكفي .. يا رب اوعدنا
حظر تجول علي التلفزيون
طبعا بعد ما مراتي كان عجبها مصطفي شعبان في المسلسل في اول كام حلقة و كانت مشدودة ليه، لكن بعد ما شفتني معجب اوي بالشخصية الأستورية دي غيرت رأيها في المسلسل خالص ، و كل ما يجي ميعاد المسلسل تحول علي اي قناة تانية عشان متفرجش عليه طبعا عندها حق الست خافت تصحي في اليوم تلاقي عندها درة معذورة الصراحة ، بس بردو العائق هنا اللي مراتي مش عاوزة تفهمه ان الفكرة مش في ان الحكاية عجبتني و عاوز اتقمص دور الراجل العظيم ده لأ الفكرة اني هلاقي واحدة زي علا غانم و لا درة فين هنا هي دي المشكلة الكبيرة اذا كننت ملقتهاش في اول جوازة هلاقيها في التلاتة اللي فاضلين ؟؟[clear]
التلاعب بمراتي مسلي اكتر
طبعا بعد ما شفت مراتي مرعوبة كدة قلت طب ما العب اللعبة دي معاها يمكن تتعدل و تاخد بالها من نفسها شوية و تاخد بالها مني بدل الاهمال اللي انا شايفه منها و عايش فيه كدة طول الايام اللي فاتت بذات بعد ما ربنا رزقنا بالخلفة الصالحة اللي قرفاني جوة دي، المهم قلت انا هبدأ اتأخر برة شوية و تكلمني مردش و كدة طبعا مراتي الفار لعب في عبها و فرق المعاملة كان واضح خالص، و تحولت الي مرأة متصلطة بشكل غريب عشان توصل لأي معلومة لكن و لو و بدأ فعلا اشوف اهتمام بس يا رب تخلص الحكاية علي خير.[clear]
انا مخرج فاشل
اللي مكنتش عامل حسابه حصل. زميلتي في الشغل اتصلت علي موبايلي تبلغني علي حاجة مهمة جدا في الشغل مينفعش فيها الانتظار المهم مراتي ردت عليها و صحيت علي صوتها و انا مفزوع و هي مقتنعة اني متجوزها في السر و طبعا اليوم ده نمت في الشارع …[clear]
