الرئيسية - منوعات - إبتسامة - السينما مع اسرتك حاجة تانية
Booking.com
السينما مع اسرتك حاجة تانية
السينما مع اسرتك حاجة تانية

السينما مع اسرتك حاجة تانية

طبعا كلنا و احنا مراهقين و قبل الجواز كان خروجتنا الرئيسية هي السينما مع صديقتك او اصحابك و كانت ممتعة جدا لكن بعد الجواز تختلف جداً ، لأن السينما مع اسرتك حاجة تانية.

عودة للذكريات

كنت جالس مع زوجتي و فجأة عاد بنا الزمن الي ايام الخطوبة و الأيام الحلوة اللي اختفت من حياتنا و قالتلي فاكر يا برعي لما كنا بنخش افلام الحب دي و كنت تقعد تحب فيا في التليفون روحت رفعت حاجبي بأستغراب و قلتلها انتي ايه اللي فكرك بيها فجأة دلوقتي قالتلي يا راجل هو احنا منعشهاش تاني ولا حتي نفتكرها قولتلها ولا يهمك يا ستي و الله انا عازمك انهاردة على السينما قالتلي و العيال ؟ قلتلها هما كانوا معانا يعني و احنا مخطوبين ؟ خلاص ناخدهم معانا مفيش مشاكل.

الفشار شيء اساسي

طبعا بعد العرض اللي لومت نفسي عليه بعد ما مراتي و العيال قاموا يلبسوا قلت ايه الورطة دي ده انا مش بعرف اتفرج علي التلفزيون سوا هنتفرج على سينما، المهم نزلنا و وصلنا و حان وقت اختيار الافلام قولتلها فيلم السقا حلو تعالي ندخلوا قالتلي هو انت اللي هتختار احنا نخش فيلم سعد الصغير قولتلها و نعم الرومانسية دخلنا الفيلم و طبعا شيء اساسي جدا الفيشار في السينما شيء مقدس طبعا كل واحد عاوز الفيشار و الحجم الكبير كمان و ادفع يا بابا.

الفيلم لما يبدأ مفيش صوت

المفروض ان لما الفيلم يبدأ منسمعش صوت عشان الناس بتحب تركز في الفيلم مع ان الفيلم مش عاجبني لأني مش بحب الافلام الشعبية بس لازم اركز فيه انا دافع تذكرة بمبلغ محترم يعني حرام يضيع علي الفاضي و فجأة بعد ما ركزت الاقي (بابا عاوز اروح الحمام) اصبر شوية يا حبيبي لأ بابا عاوز اروح الحمام و صراخ صعب الاحتمال و طبعا مراتي بتسبح في الفيشار و بتضحك بشكل هيستيري علي الفيلم روحت وديت الولد الحمام و رجعت طلبت مني مراتي اني طلب سخيف جدا (حبيبي انا عاوزة مياه غازية ممكن تطلع تجبلي ؟ ) طب لما تيجي الاستراحة يا حبيبتي انا بتفرج زيك يعني قامت صرخت في وشي هو انا مطلبش منك حاجة و تعملها ابدا كدة طبعا لعنت اليوم اللي قولت فيه نروح سينما طلعت جبتلها المياه الغازية و وقفت برة استناهم لحد ما خلص الفيلم و روحنا.
فعلا السينما مع مراتي و عيالي حاجة تانية خالص و نعم المتعة

>Booking.com

عن مهاب طارق

اضف رد

لن يتم نشر البريد الإلكتروني .

1 × ثلاثة =